Aðrar tænastur
Brúkt útgerð frá Faroe Dive
Leiga av kavaraútgerð
Túrar við Kavaraleiðara
Kavaratúrar til Føroyar

Kavara-útbúgvingar
1. Hjálparskeið
Seal Team
Royndarkav
OpenWaterDiver
AdvancedOpenWaterDiver
Rescue Diver
Divemaster

Vinnukavari

Grundskeið í vinnukaving útsett: Føroyskir mynduleikar viðmæla skúlum, at útseta vanliga skúlagongd fyribils til eftir Páskir. Hetta viðmælið vil leiðslan á kavaraskúlanum sjálvandi eisini rætta seg eftir. Tað hevur ovurstóran týdning, at minka um smittuspjaðingina í samfelag okkara. Tí hevur leiðslan á kavaraskúlanum valt, at avgreiða alla undirvísingina á komandi grundskeiðnum og kavarahjálpara- skeiðnum umvegis internetið. Á hendan hátt kunnu vit halda ásetingarnar hjá mynduleikunum og samstundis veita bæði vinnu- og privatkundum okkara førleikagevandi undirvísing. TILMELDINGARFREIST er fríggjadagin 27. mars kl.1800. Teori-undirvísingin byrjar, mánadagin 30. mars kl.1930. Kundi tú hugsa tær ein áhugaverdan og avbjóðandi arbeiðsdag er eitt starv sum vinnukavari ella kavarahjálpari møguliga júst tað rætta fyri teg .. faroedive@faroedive.fo

Um útbúgvingina: Grundskeiðið í vinnukaving á kavaraskúlanum er deilt sundir í tveir partar. Ein praktiskan og ein teoretiskan. Á tí praktiska partinum skulu næmingar okkara fáa verkaliga undirvísing í hvussu ein kavar  og hvussu ymiska kavarauppgávur verða loystar á ein tryggan hátt. Næmingar okkara skulu verða undir vatnskorpuni í minst 900 minuttir og loysa ymiskar uppgávur. Harumfram hettar er krav at minst 150 minuttir av teimum 900 minuttunum skulu verða djúpari enn 26 metur.  

Tann teoretiski parturin er sera grundleggjandi og gevur næmingunum eina holla vitan um ástøðina aftan fyri kavingina. Næmingarnir arbeiða við at loysa uppgávur innan gasslógirnar. Harumframt verður undirvíst í at brúka ymiskar kavaratabellir, loggføring, rapportskriving, viðlíkahald og uppbygnaðurin av útgerðini, planlegging av kavingini o.s.fr.

Útbúgvingin verður gjøgnumførd eftir altjóða krøvum til slíkar útbúgvingar.

Faroe Dive hevur kavaraútgerð til næmingarnar. Kavaraskúlin viðmælir tó næmingunum, at hava egna turrdrakt við til undirvísingina.

Luttøkukrav: 18ár - Góðkent fyrstuhjálparskeið (1100kr.) - Heilsuváttan til vinnukavarar

Kostnaður: 35.000kr.

Undirvísari: Janus Joensen

Melda teg til komandi vinnukavaraskeiðið beinleiðis her á síðuni

 faroedive@faroedive.fo ella ring 21 89 29

Faroe Dive - Vágsheygsgøta 38 - 700 Klaksvík - Føroyar tlf. (+298) 218929 / 224 224

Vinnukavaranæmingur í sjónum

Vinnukavaranæmingur áveg upp eftir at hava loyst sína uppgávu

Vinnukavaranæmingar venja at samskifta við línusignalum.